الشرنوبي عن علاقته بسارة الطباخ: للأسف دي غلطتي

الفنان محمد الشرنوبي أوضح أسباب انفصاله عن المنتجة سارة الطباخ، وكشف لأول مرة عن تفاصيل عقد الاحتكار الذى استغلته ضده والذي وصلت قيمته إلى 600 ألف دولار
تحرير:محمد عبد المنعم ٢١ يوليه ٢٠١٩ - ٠٣:١١ م
محمد الشرنوبي
محمد الشرنوبي
خرج الفنان محمد الشرنوبي عن صمته، وأوضح فى منشور عبر حسابه الرسمي على "فيسبوك"، تفاصيل علاقته بالمنتجة سارة الطباخ، التى ارتبط بها فترة من الوقت، وسبب خروج فيديو الخطوبة بعد عام من خطوبتهما، وكتب: "عايز أرد على شوية حاجات وعلى أسئلة كتير بتتسئل بقالها فترة ماكنتش حابب أتكلم فيها، أنا طول عمري باحب شغلي جداً ومابحبش أتكلم في أي حاجه تانية غيره، بس بقالي فترة عليا هجوم شخصي غير مبرر وكلام كتير له علاقة بحياتي الشخصية، ماحبتش أتكلم فيها غير لما أكون جربت كل الطرق في إني أحاول أحلها الأول".
وتابع: "في سبتمبر 2017 بعد مسلسل لا تطفئ الشمس وحلقات صاحبة السعادة وحفلة الموسيقار الكبير عمر خيرت وأغنية (مين فينا) مع النجمة الكبيرة أصالة، وبعد ما كنت لسه ماضي مسلسل (كأنه امبارح) وفيلم (الممر)، جالي شغل مع شركة كبيرة عشان أنزلّهم بوست على إنستجرام عندي، اللي كانت ماسكة الحملة دي واحدة اسمها سارة