loading...

أخبار مصر

فيديو| آخرها أم تبيع ابنتها لسداد الدين.. 5 حكايات «مبكية» كشفت معاناة المصريين

الفقر

الفقر



بعض المداخلات مع البرامج أو اللقاءات مع مراسليها تكشف عن معاناة المواطنين، في لحظة يقرر فيها البعض أنا يفتح قلبه، ويتحدث عما داخله سواء في حياته الشخصية أو داخل المجتمع والبلد بشكل عام.

وقبل أيام انتشر فيديو لسائق توك توك يتحدث فيه عن أوضاع البلد، من وجهة نظره، الفيديو لقى انتشارًا واسعًا، وحالة من الشد والجذب بين مؤيد ومعارض له على «فيسبوك».

لم يكن حديث سائق التوك التوك هو الأول أو الأخير في البرامج، فقد سبقه العديد من المداخلات، كشفت عن معاناة طبقة كبيرة من الشعب المصري تحت ضغوط الأوضاع الاقتصادية.

- أم تبحث عن مشتري

أمس فقط حدثت وقعتان تدل على معاناة المصريين، الأولى كانت رسالة من سيدة لبرنامج "فتاوى" على قناة الحياة، تسأل فيه عن حكم بيع ابنتها الصغرى لأسرة وضعها المادي أفضل مقابل تسديد ديونها بسبب زواج ابنتها الكبرى، وكان الرد الشيخ إسلام رضوان مقدم البرنامج قاطعا بالنفي.

- أب يعيش رعب الغلاء

في اليوم ذاته، وخلال برنامج العاشرة مساءً، التقت كامير البرنامج أحد المحالين للمعاش حيث قال: "بعد ما طلعت على المعاش، 100 ألف جنيه اللي طلعولي، أجرت محل 10 شهور بس فتحت 6 شهور وقفلت تاني بعد ما وضبت ديكوراتي، بسبب الأوضاع والركود، وأصبحت دلوقتي معتمد على المعاش بس".

وأضاف: "والله ما بنام بسبب رعب الغلا اللي إحنا فيه، والله عايش في رعب، ناكل مينن، أمشي أشحت، النهارده اللقمة مش لقينها، عيب أقول الكلام ده، الدولة لازم تحس بينا، أقاوم الغلا ده مين، وأنا صاحب مرض وتعبان، الكرامة بتفقد، أتحول لحرامي في السن ده، بطلب من ربنا الموت".

- ابنة تبحث عن تمن علاج أمها

قبل شهرين أي قبل واقعة سائق التوك التوك، أجرت سيدة اتصالا مع برنامج العاشرة مساء، تقول فيه: "أنا خرجت أكلمك من بره عشان أمي ماتسمعش، أنا كيميائية مرتبي 1800 مقابل 12 ساعة شغل، أمي علاجها بـ1700 وأنا المسؤولة عنها، أنا مش عايزة مساعدة بس عاوزة أعيش، عايز يبقى معايا فلوس تمكني من شراء الأدوية، مش كل شوية ألقي الدوا اللي كان بـ36 بقى بـ70 جنيه، ماينفعش".

وأضافت: "إنتوا بتعملوا فينا كده ليه، كفاية أنا عندي 28 سنة ويئست من الدنيا كلها، أجيب تمن الدوا منين".

- ربة منزل تشتكي من الزيادة

سيدة أخرى قبل أيام تحدثت عن الأوضاع الاقتصادية قائلة: "إحنا عارفين إن أسعار المحاصيل الزراعية بتطلع وبتنزل، لكن الأساسيات، دلوقتي كل عيل عاوز 10 جنيه مواصلات، بتزودا أسعار الكهربا والمياه، والغاز اللي اديته للمقاطيع ببلاش، زوده تمنه علينا ليه".

وتابعت: "معايا بنتين في الجامعة، واحدة منهم مواصلاتها بس 15 جنيه، ولو كلت سندوتش فول وحاجة ساقعة يعني 10 جنيه تاني، وعامل للفرد 15 جنيه تمويل".


x