loading...

ثقافة و فن

طارق فؤاد: شيرين عبد الوهاب «قفلت السكة في وشي».. وعملت معايا مصيبة

طارق فؤاد

طارق فؤاد



قال المطرب طارق فؤاد، مساء الأربعاء، إن الفنانة آمال ماهر، هي أحلى الأصوات المصرية، مستكملًا: «أنا كنت زعلان منها لما كانت مش بترد عليّا، لكن هي كلمتني وصالحتني، وربنا يحفظها لمصر».

وأضاف فؤاد، خلال حواره مع الإعلامية ريهام سعيد، ببرنامج «صبايا الخير»، عبر فضائية «النهار»، أن الفنانة أنغام أيضًا لم تكن ترد على مكالماته لتقديم ألحانه لها، مستطردًا: «أنا زعلان منها لأنها مش بترد عليّا خالص، لكنها بتغني حلو أوي وتشرف».

وتابع: «شيرين عبد الوهاب مكنتش بترد، وعملت موقف بايخ جدًا.. قفلت السكة في وشي مرة، بعديها قابلتني في حفلة وأخدتني بالحضن وقالتلي حقك عليّا وأنت أستاذي، قولتلها ليه عملتي كده؟ قالتلي والله ما هعمل كده تاني، ولفت السنين ورجعت متردش تاني».

واستطرد فؤاد: «شيرين عملت معايا مصيبة تانية، أنا عملتلها ألحان (أكتبلك تعهد) قبل أنغام، سمعته ومرت الأيام وبطلت ترد عليّا، مكانتش دارية بحاجة.. مع إني اللي اكتشفتها».

وواصل: «أنا بحس بعدم احترام.. أنا مش صغير.. بيصعب عليّا نفسي جدًا.. مش باقي في الدنيا غير المعروف والكلمة الحلوة، والله ما باقي حاجة».