مبادرة «بناء عقول» تقيم أول معرض كتاب في قرية بالمنوفية.. تعرف على التجربة




داخل حجرة صغيرة، فى جمعية تنمية المجتمع، بقرية ساقية أبو شعرة، رصت الكراسي، وفرشت الكتب على ألواح الخشب، لاستقبال المولود الجديد، الذي عليه كل الأمل، فى تغيير ثقافة وفكر عقول الشباب، فرغم العقبات التى قابلوها والأفكار التى عانوا منها، استطاع كريم عزت وأصدقاؤه، افتتاح أول معرض كتاب فى قرية على مستوى الجمهورية.

داخل حجرة صغيرة، فى جمعية تنمية المجتمع، بقرية ساقية أبو شعرة، رصت الكراسي، وفرشت الكتب على ألواح الخشب، لاستقبال المولود الجديد، الذي عليه كل الأمل، فى تغيير ثقافة وفكر عقول الشباب، فرغم العقبات التى قابلوها والأفكار التى عانوا منها، استطاع كريم عزت وأصدقاؤه، افتتاح أول معرض كتاب فى قرية على مستوى الجمهورية.

كريم عزت، خريج كلية هندسة، متطوع فى مبادرة بناء عقولنا، التى من خلالها قاموا بافتتاح المعرض، يقول لـ"التحرير": "المباردة فكرتها إننا شايفين قريتنا فيها مشكلة زى أى قرية.. نظافة بقى تعليم مشاكل فى الفكر، ففكرنا إننا نكون مجموعة المثقفين فى القرية.. حاولنا إننا نعمل حملات نظافة بس لقينا برضو إن الناس هتحافظ فترة وهترجع تانى زى ما هى عمر ده ما هيتغير إلا بتغير الثقافة والفكر فى عقول شباب القرية".

المعرض

أول معرض كتاب فى قرية على مستوى الجمهورية، كان من فكرة متطوعي المبادرة، الذين عملوا على نشر فكرتها فى القرية لفترات، يقول كريم: "اتفاجئنا إن مفيش معرض كتاب لقرية على مستوى الجمهورية ففكرنا إننا نعمل معرض للكتاب وده كان فيه عشرة آلاف كتاب جالنا ٢٥٠٠ زائر وبعنا أكتر من ٢٠٠٠ كتاب".

14274312_1063735100389169_150194027_o

المخاطرة، هى أول طرق النجاح، والمجهود والسعي، عوامل استكماله، وهذا ما اتبعه فريق عمل المعرض، يقول كريم: "قابلتنا صعوبات كتير، ما كناش لاقيين مكان كبير وكويس فى الأول لحد ما لقينا الجمعية عملنا فيها المكان بدعم من رئيس الوحدة المحلية، والعقوبات التانية وهى الكتب إنى مفيش مكان كان راضي يدينا كتب بالعدد الكافى تمنها ٨٠ ألف جنيه، لحد ما وصلنا لناس كتير منهم عارض بسور الأزبكية هو إدانا الكتب تحت مسئوليتنا ومضينا على استلمها وترجيعها". 

المعرض


نجاح المعرض، جاء من خلال ردور أفعال أهالى القرية، وضيوفه، يقول كريم: "معانا ناس كتير بتساعدنا، وقامات علمية بالبلد، ونجاحنا حسينا بيه لما القرية قرأت ٢٠٠٠ كتاب".

 

المعرض

مبادرة بناء عقول، تقوم على نشاط تنمية قرية ساقية أبو شرة، بمركز أشمون فى محافظة المنوفية، من خلال الندوات الثقافية، وورش العمل الفنية وكورسات الأسعافات الأولية، ومسابقات المواهب الغنائية، يقول كريم: "بنحاول دلوقت نجهز فصول محو الأمية لأهالى القرية ". 


 

المعرض

تعليم الربوت، من الورش التى نظمتها المبادرة، لتعاليم الأطفال مهارات العمل الهندسى، والتى حصل أولاد القرية بسببها على المركز الأول فى مسابقة فريق كليات هندسة، يقول كريم: "المسابقه كانت على مستوى المنوفية وكان فيه أكتر من ١٦ فريق من كليات هندسة من منوف والمنوفيه وأكتوبر وأكتر من جامعة والأولاد بتوعنا خدوا مركز أول عليهم وحققنا فكرتنا إن التعليم مش كل حاجة مش شرط تبقى مهندس علشان تنفذ فكرة هندسية ممكن تتعلمها وتنافس فيها كمان".