محمود الليثي باكيًا: مكنتش لاقي أكل (فيديو)

تحرير:عبد الفتاح العجمي ١٨ أكتوبر ٢٠١٨ - ١١:٢٨ م
دخل الفنان الشاب محمود الليثي، في نوبة بكاء حادة، خلال لقائه ونجوم برنامج "snl بالعربي" مع الإعلامية منى الشاذلي، ببرنامج "معكم"، عبر فضائية CBC، مساء الخميس، وذلك بعدما تطرق للحديث عن معاناته في بدايات دخوله لعالم الفن، وقال: "كنت مهندس في هيئة قناة السويس، وكنت ميسور وبيدخلي راتب كويس، ولما قدّمت في ورشة أستاذ خالد جلال، كنت وقتها شغال في بورسعيد، وكنت بسافر يوميًا للقاهرة، لحد ما أخدت قرار إني أسيب شغلي وإسماعيلية بلدي وأنزل القاهرة عشان أمثل، الفترة دي كانت صعبة وممكن تتعمل فيلم".
أضاف الليثي: "دي أكتر فترة مرهقة في حياتي، في ظرف شهرين كل اللي حوشته من الهندسة راح، مكنش عندي أي مصدر دخل، مكنش معايا أي فلوس، الأكل قل، مكنش معايا أجيب أكل، وصل بيّا الحال إني كنت باكل علبة (إندومي) كل يومين".تابع: "أهلي كانوا بيبعتولي فلوس، لكن مكنش بقولهم أني مش معايا، والدتي بعد ربنا هي السبب