قال الإعلامي محمد الدسوقي رشدي، مساء الجمعة، إننا نعيش في وطن يطلب «الستر والصحة» في وضعه الحالي، مضيفًا: «كلنا نفسنا نستُر على مصر الحقيقة، عشان نعدي من عنق الزجاجة والمطب التاريخي اللي إحنا عايشين فيه، لكن من الواضح إن في مسئولين مش عايزين يستروا على البلد، مصرين يفضحونا ويهينونا
قال الإعلامي محمد الدسوقي رشدي، مساء الجمعة، إننا نعيش في وطن يطلب «الستر والصحة» في وضعه الحالي، مضيفًا: «كلنا نفسنا نستُر على مصر الحقيقة، عشان نعدي من عنق الزجاجة والمطب التاريخي اللي إحنا عايشين فيه، لكن من الواضح إن في مسئولين مش عايزين يستروا على البلد، مصرين يفضحونا ويهينونا ويشوهوا صورة البلد دي».
أضاف رشدي، خلال تقديمه برنامج «آخر النهار»، عبر فضائية «النهار»، «وزير السياحة مش عارف يسد (الخُرم) اللي هو قال عليه، لأنه موجود في مكتبه، أو في ذهنه، أو في دماغه»، لافتًا إلى أن الوزير هشام زعزوع، لم يقُم بالمطلوب منه خلال الحفل الذي أقامته هيئة تنشيط السياحة المصرية بالتعاون مع السفارة المصرية ببرلين، بحضور السفير بدر عبد العاطي.
وهاجم «رشدي» الوزير هشام زعزوع، قائلًا: «كان من المفترض أن يقوم الوزير خلال الحفل بطمئنة الألمان مما يقلقهم تجاه زيارة مصر، وشرح مميزات مصر والسياحة بأراضيها، ولكنه لم يقُم بذلك، وحسبي الله ونعم الوكيل فيه، مرة وخمسة، بدل ما يروح يبيع للسياح الألمان جمال وآثار مصر، راح يؤكد لهم أننا شعب متسول، راح يشحت علينا، راجل أفقه ضيق، لا يرى المصريين غير أنهم شعب يتشحت عليه».
استكمل: «الوزير راح يبتز الألمان عاطفيًا، وبيقولهم المصريين مش لاقيين ياكلوا، وعرض صور مأثرة للعاملين بالسياحة على أنهم مش لاقيين ياكلوا، لدرجة أن الناس اللي كانت معاه من مصر سابوه ومشيوا، رجل الأعمال كامل أبو علي انفعل عليه وقال له إنه بيبوظ السياحة، هل مصر هانت إلى هذه الدرجة؟ حضرتك رايح تشحت علينا، رايح عشان يخلي الألمان يعيطوا علينا ونصعب عليهم، مش عايزين بالشحاتة يا أخي، بتشحت على المصريين؟ إذا كان تنشيط السياحة بالتسول يبقى مش عايزينه».
