loading...

جريمة

صور| مأساة.. إهمال طبى يتسبب فى بتر ذراع رضيع بكفر الشيخ

صور| مأساة.. إهمال طبى يتسبب فى بتر ذراع رضيع بكفر الشيخ


تداول عدد من نشطاء التواصل الإجتماعى، عدد من الصور الخاصة برضيع إصيب بـ«غرغرينة» فى ذراعه اليمنى، نتيجة الإهمال الطبى داخل حضانة بمستشفى للأطفال فى محافظة كفر الشيخ.

وقالت والدة الرضيع على صفحتها الشخصية بموقع «فيس بوك»،: «النهاردة اتعملت أول عملية لبتر ذراع ابنى اللى لسة يدوب مكملش أسبوعين، والحمد لله ده قضاء ربنا وقدره واحنا راضيين به ومسلمين لمشيئته اللى اكيد فيها الخير والرحمة».
 
وأضافت الأم فى حسرة: «لكن ده ما يمنعش أبدا إنى أدور على حق ابنى وحق أطفال كتير ممكن يكونوا ضحية الإهمال الطبى، ابنى أصيب بجلطة فى ذراعه بسبب تركيب «كانيولا» فى الشريان بدل الوريد في أثناء وجوده فى حضانة الدلتا بكفر الشيخ».

 واستكملت الأم أن الدكتور المكلف بمتابعة الحضانة غير قادر على التعامل مع مثل تلك المشكلات، لأنه «ممارس عام» غير مؤهل أنه يكون الطبيب الوحيد المسؤل عن اطفال حديثى الولادة معظمهم حالات حرجة».
 
واختتمت الأم مآساتها قائلة :«الناس دى ضيعت على ابنى أول ٦ساعات اللى كانت ممكن تنقذ ذراعه، وأنا وجوزى زى مصريين كتير قوى خدنا إبننا على حضانة بندفع مبلغ وقدره فى اليوم الواحد، بس مكناش نعرف أبدا انها تجارة قذرة وأطباء لا تقدر على التعامل مع مضاعفات تطرأ على الأطفال ولا حتى تميزها وتستدعى حد يقدر يتعامل معاها ولا حتى يبلغونا علشان نحاول ننقذ إبننا.. أنا مش هسيب حق إبنى أبدا برغم التهديدات اللى بتيجى لزوجى وحسبى الله ونعم الوكيل».