loading...

ثقافة و فن

فيديو| مي عزالدين: «قريّبة من خطوة اعتزال الفن وارتداء الحجاب»

فيديو| مي عزالدين: «قريّبة من خطوة اعتزال الفن وارتداء الحجاب»


قالت الفنانة مي عز الدين، إن كل فتاة يراودها التفكير في ارتداء الحجاب من وقت لأخر، مستدركة: «أنا مش مترددة في ارتداء الحجاب، لكن مش حاسة إني قد الخطوة، وأول ما هحس إني قد الخطوة هاخدها، طول ما أنا مش حاسة إني مش قدها لسه أو مش هعمل الخطوة دي صح يبقى مش هرتديه، عشان ده شيء له احترامه».

أضافت مي، خلال حوارها مع الإعلامية رغدة شلهوب، ببرنامج «100 سؤال»، عبر فضائية «الحياة»، مساء اليوم الإثنين: «حال إني اتحجب مش هكمل تمثيل، أو مش هكون لسه بمثل أصلًا، هكون وقتها بفترة اعتزال، حاسة إني مش هقعد كتير في الفن، وأنا من الناس اللي ممكن في توقيت غريب ومفاجئ تعلن الاعتزال، أنا شخصية غير متوقعة تمامًا، ممكن جدًا إني اعتزل بسن مبكر».

وتابعت: «هعتزل لما أتعب، وأنا ابتديت أتعب، المجال فيه حاجات كتير تتعب، خاصة بسبب الضغط المستمر، شغلانة متعبة جدًا فوق خيال أي بني آدم، شغلانة تبان سهلة وهبلة، بس لو أي حد شايفها كده يجي يحضر يوم تصوير».