loading...

ثقافة و فن

احتفالا بعيد الأب.. أحمد حلمي ينشر صورة نجله الصغير لأول مرة

أحمد حلمي

أحمد حلمي



رغم حرص الفنان أحمد حلمي وزوجته منى زكي على أن يبعدا حياتهما الشخصية وأبناءهما عن الأضواء، فإن حلمي كسر تلك القاعدة خلال احتفاله بعيد الأب ومنظمة اليونسيف، ونشر للمرة الأولى صورة لطفله «سليم».

وعلق على الصورة، التي نشرها على حسابه الشخصي في موقع «إنستجرام»، قائلًا: «لما كنت طفل كان كل حاجة في حياتي، جبل كبير ضخم كله قوة، وعلى قد قوته كانت حنيته، عمري ما انسي كف إيده الدافئ وهو حاضن إيديا الصغيرة، نينني عينه اللي بيضحك لما بيبص في وشي، كنت باحس بالأمان لأنه مركز معايا وواخد باله مني، لا شغل شاغله عني، ولا اهتمام كان ناقصني، حفظني طريق مدرستي، زي ماحفظني أمشي في أول خطواتي من الكنبة للترابيزة وهو بيشجعني ومحاوطني بدرعاته، إنه أبي. إنه أبويا. إنه والدي. إنه بابا».

واستكمل حلمي: «اللي زرعه أبويا من اهتمام وتواصل فرق معايا كتير، أو بمعني أدق خلاني أب أعرف أتعامل مع أطفال، شكرًا يا أبي شكر دائم ومستمر مدى الحياة،  شكر أتمني إني أستحقه وأسمعه من ابني وبنتي لما يكبروا فأشكرك شكر تاني».

وتابع داعمًا لاحتفال منظمة اليونسيف بعيد الأب: «شكرًا لكل أب بمناسبة عيد الأب، وطبعا طبعا طبعا شكرًا لكل ست لأنها هي اللي ولدت وربت كل طفلة بقت أم وكل طفل بقى أب، يونيسف الشهر ده بتحتفل بكل أب في مصر وفي العالم كله، نزّل صورتك مع ولادك أو صورتك مع والدك مع موقف فاكره أثر في تربية ولادك أو في تربيتك وأنت صغير واعمل تاج ليونيسف على @unicef.egypt بهاشتاج #السنين_الأولى_بتفرق، علشان تكونوا جزء من الحملة دي».

أحمد حلمي