loading...

ثقافة و فن

بعد 5 سنوات.. أيمن بهجت قمر يعتذر لعمرو دياب: «أنا آسف»

أيمن بهجت قمر

أيمن بهجت قمر



بعد الأزمة التي باعدت بين الشاعر أيمن بهجت قمر، والنجم عمرو دياب، ودفعتهم للمقاطعة الفنية والشخصية، فاجأ الأول الجميع بمبادرة صلح منه، واعتذار للهضبة في العلن.

وقال "قمر" عبر صفحته الشخصية على موقع التواصل الاجتماعي "فيسبوك": "أنا بقالي فترة بفتح صفحة جديدة مع كل الناس، علشان كده مش هاتكبر النهاردة إني أعتذر وأبارك لأخويا الكبير وعشرة العمر الفنان عمرو دياب على الألبوم الجديد".

وأضاف: "خمس سنين زعل كتير أوي بصراحة، وأنا غلطت لأني أقحمت عمرو في مشكلتي مع روتانا، وغلطت أكتر لأني أظهرت الخلاف ده في العلن، ولكن الواحد طول الوقت بيتعلم ومحدش كبير على الاعتذار".

وتابع: "يا عمرو زي أنا ما غلطت في العلن أنا بعتذر ليك في العلن، إنت فوق إنك فنان كبير، انت أخ حقيقي على المستوى الشخصي، أنا افتقدته وعفا الله عما سلف".

واختتم الشاعر الذي قدم مع الهضبة عشرات الأغاني الناجحة: "عايز أقدم برضو اعتذار لجمهور عمرو اللي زعل على زعله، وحقكوا على راسي من فوق، وصافي يا لبن".