loading...

ثقافة و فن

عبير صبري تنتصر للرجال بقوة.. «الستات تحب كسر رقبتها.. وهاخرس بشرط»

 عبير صبري

عبير صبري



ملخص

عبير صبري دافعت عن حقوق المرأة في أمور هاجمت فيها الرجل، لكنها في الوقت ذاته تحدثت عن أمور ترجح ميزان الزوج على زوجته ليعجب بها من يديرون معها الحوار

أحبطت الفنانة عبير صبري، المخطط الذي وضعه لها الثلاثي أحمد وكريم فهمي وباسل الخياط، لإثارة جدل في موضوع عن شخصية المرأة الجريئة وحب الرجال لهذا النوع من النساء، بسبب آرائها الشخصية التي تطابقت تمامًا مع كل منهم، لتكون بذلك أول ضيفة في برنامج «قعدة رجالة»، المذاع على قناة «دي إم سي» في صف الرجل بدرجة كبيرة جعلتها تبهر مقدمي البرنامج، بل وقدموا لها عرضًا سخيًا بتقديم البرنامج معهم.

«الست بـ100 راجل»

رفضت عبير، مقارنة المرأة بالرجل على اعتبار أنه الأقوى، موضحة: «فيه حاجات تانية أقوى زي الأسد والتمساح.. والست بـ100 راجل، عشان ظروف الحياة بتحملها مسئوليات وأعباء اجتماعية كتيرة».

«الرجالة مايجيش من وراها حاجة عدلة»

حاول باسل الخياط، إخافة عبير صبري، عندما منحها صندوق هيأ لها أنه كتاب، وعندما قامت بفتحه وجدت فيه «حرباء»، معلقة: «الرجالة مايجيش من وراها حاجة عدلة أبدًا»، مؤكدة أنها تخاف من حيوانات كثيرة مثل القطط والكلاب.

«الرجل كائن مغرور»

وجهت عبير صبري، رسالة إلى المجتمع الذكوري، بقولها: «الرجل أكتر كائن مغرور وعاوز يحس إنه هو اللي بيؤمر والست هي اللي بتنفذ، بس الست القوية ما بيهمهاش الكلام ده، وبتعمل اللي هي عايزاه».

«الرجالة كذابين وجبناء»

ذكرت عبير، أنها تضع حدودًا لكل شيء في حياتها مثل تعاملها مع الناس وعلاقتها بهم، مبينة: «الرجالة كذابين في موضوع أنهم مش بيحبوا الست الجريئة، هما بيحبوها بس مش بيرضوا يرتبطوا بها عشان هما جبناء».

«أنا مش جريئة»

اعتبرت عبير صبري، نفسها شخصية جريئة في المواقف الجادة والمهمة، مردفة: «بس في العموم أنا مش جريئة حتى وإن كان الناس شايفيني كده، أنا شجاعة في المواقف اللي بتتطلب كده، والجرأة أحيانًا أتميز بيها، بس أنا زمان كنت أجرأ من الآن».

«الندية في الزواج مش صح»

أكدت عبير، أن الرجل والمرأة طرفان لا يستطيع أحدهما أن يعيش دون الآخر، مستكملة: «الندية في العلاقة الزوجية مش صح، ولازم يكون فيه حد قائد، والصح إن الراجل هو اللي يدير العلاقة الزوجية والحياة الأسرية، لكن أحيانًا بيكون الرجل هو الطرف الأضعف من حيث الشخصية، وأحيانًا بيكون ضعيف ماديًا كمان، وفيه ستات محبة للسيطرة».

«الستات تحب كسر رقبتها.. وأنا هاخرس لو..»

وواصلت عبير صبري: «أغلب الستات بتحب الراجل يكسر رقبتها، وأنا بحب الراجل قوي الشخصية.. وزوجي لو قالي في قعدة: اخرسي خالص، أنا هاخرس لو بحبه، عشان لازم يكون فيه نسبة احترام في العلاقة اللي ما بينا»، وهو ما أبهر مقدمي البرنامج، لدرجة أن أحمد فهمي، أهداها قطعة شوكولاتة مكافأة منه على ما قالته.

وعلق كريم فهمي، على حديث عبير صبري، بقوله: «الواضح إنها مثقفة جدًا وعقلانية في تفكيرها، لدرجة إننا ماعرفناش نزنقها»، في حين قال باسل الخياط: «الكلام اللي قالته في الآخر فظيع»، أما أحمد فهمي: «هي ديه الأنثى الحقيقية، وأنتي هتفضلي معانا هنا في البرنامج»، في النهاية أكملت عبير، موجة الإبهار، بقولها: «أنا هاطبخ لكم عشان بعرف أطبخ كويس قوي، قولولي بقى كل واحد فيكم بيحب إيه؟».

وتنشغل عبير صبري، حاليًا بتصوير مسلسل «بيت السلايف»، من تأليف حسين مصطفى محرم، وإخراج محمد عبد الخالق، وإنتاج ممدوح شاهين، وبطولة كل من بوسي، وأحمد صلاح حسني، ومنة فضالي، وعمرو رمزي، وحازم سمير، وسمر جابر، وأحمد الشامي، وجيهان خليل.