loading...

ثقافة و فن

عمرو سعد بعد خروج مسلسل «بركة» من رمضان: «أنا انضرب عليا نار»

عمرو سعد

عمرو سعد



بإحباط شديد أعلن الفنان عمرو سعد لجمهوره، عبر حسابه الرسمي بموقع «إنستجرام» خروج مسلسله «بركة» من سباق رمضان، بعدما أنهى تصوير أغلب مشاهده، والذي تردد شائعات منذ فترة بأنه سيتم عرضه على قناة mbc مصر، قبل أن تكشف عن خريطتها ويكون خارج قائمة أعمالها، كذلك توقع البعض أن يعرض على قناة ON E، خاصة بعد خروج مسلسل «أرض النفاق» لمحمد هنيدي من السباق، لكن هذا لم يحدث.

وبحزن شديد قال سعد لمتابعيه على «إنستجرام» إنه كان يتمنى المشاركة في موسم رمضان للعام الجاري، لكن «انضرب عليه نار»، على حد وصفه، واستكمل حديثه: «أنا عاوز أقولكم إن اللي بيعيش في القلوب مايموتش أبدا، وبركة زي الدهب قيمته فيه وراجع بحجم الحب والثقة والاحترام المتبادل».

 

كان نفسي أكون معاكم في رمضان السنة دي ....بس الظاهر أني اتضرب عليا نار ???? بس أنا عاوز اقولكم ان اللي بيعيش في القلوب مايموتش أبدا ...وبركة زي الدهب قيمته فيه وراجع بحجم الحب والثقة والاحترام المتبادل وقريب هاقولكم علي كل التفاصيل علشان الكلام كتير والإشاعات اكتر....وانا عمري ما تاجرت بمعاناة وإلا اتكلمت عن نجاح ولا تباهيت بشهرة لأني مؤمن من اول يوم طلعت علي أفيش اول أفلامي ان بطل الناس واحد منهم ودعيت ساعتها من ربنا أني ما اتغيرش واظن ربنا استجاب علشان أفضل طول عمري شايف بعيونكم وحاسس زيكم ...أنتم تاجي وأهلي وعزوتي وناسي وحمايتي ضد اَي قوة بتفكر توقفني ... الصدق بيوصل والأفضل بيعيش ويستمر ويلاطم الزمن بكل بلاويه ...الحمد لله علي كل شئ والشكر ليكم وكل سنة وأنتم طيبين

A post shared by Amr Saad (@amrsaad.official) on

وتابع: «قريب هاقولكم على كل التفاصيل علشان الكلام كتير والإشاعات أكتر، وأنا عمري ما تاجرت بمعاناة ولا اتكلمت عن نجاح ولا تباهيت بشهرة لأني مؤمن من أول يوم طلعت على أفيش أول أفلامي إن بطل الناس واحد منهم، ودعيت ساعتها من ربنا إني ما أتغيرش وأظن ربنا استجاب علشان أفضل طول عمري شايف بعيونكم وحاسس زيكم، أنتم تاجي وأهلي وعزوتي وناسي وحمايتي ضد أي قوة بتفكر توقفني، الصدق بيوصل والأفضل بيعيش ويستمر ويلاطم الزمن بكل بلاويه، الحمد لله علي كل شيء والشكر لله، وكل سنة وأنتم طيبين».

«بركة» تأليف محمد الشواف، وإخراج محمد بركة، للمنتج تامر مرسي، بطولة عمرو سعد، هالة صدقى، كمال أبو رية، عايدة رياض، عمر زهران، أحمد حلاوة، مصطفى درويش وهنادى مهنى، وتدور أحداثه حول شخص يأتي من الصعيد مع والدته، ويعيشا في القاهرة لكن مع مرور الوقت يبدأ في جمع المال ومن هنا يتورط في مشاكل كثيرة، بسبب عدد من أصحاب النفوذ، ولا يسانده في هذه المشاكل إلا والدته وبنت الجيران التي تحبه.