loading...

رياضة مصرية

ننشر النص الكامل لمداخلة تركي آل الشيخ مع شوبير

تركي آل الشيخ

تركي آل الشيخ



فجر تركي آل الشيخ، رئيس هيئة الرياضة السعودية، والرئيس الشرفي السابق للنادي الأهلي العديد من المفاجآت، أبرزها تراجعه عن مقاضاة مسئولي النادي الأهلي مثلما أعلن محاميه الدكتور محمد حمودة في تصريحات مصورة، بالإضافة إلى تأكيده على أنه مستعد لدعم النادي الأهلي مستقبلا والوفاء بكل الوعود التي قطعها على نفسه وتحديدا بناء استاد الأهلي.

التصريحات التلفزيونية لتركي جاءت بعد فترة جفاء استمرت بين رئيس هيئة الرياضة السعودية ومجلس إدارة الأهلي، التي أعقبت بيانا نشره تركي آل شيخ وكشف خلاله معلومات كارثية عن تمويله للنادي الأهلي بـ 260 مليون جنيه ودعمه محمود الخطيب قبل انتخابات النادي الأخيرة بستة ملايين جنيه.

في السطور التالية ننشر نص المكالمة التي دارت بين أحمد شوبير وتركي آل شيخ والتي جاء فيها:

شوبير: حضرتك طلبت أنك تعمل مداخلة وحابب أسمعك وأعرض الأسئلة عليك.. أتفضل

تركي آل شيخ : تلقيت في الأيام الأخيرة عدة اتصالات من أشخاص بيحبوا يصطادوا في المياه العكرة، وعاوزين يستغلوا الأزمة بيني وبين مجلس الأهلي، ويستغلوا ده ضد الأهلي اللي أصلا أنا عاشق له وبحبه، لما لقيت الموضوع وصل للشكل ده فأنا قررت أني أتنازل عن كل الأمور اللي تخص إدارة الاهلي والخطيب وإحنا إخوان وحبايب، وسنظل حبايب ولن أسمح بأي ضرر يمس الأهلي وطول مانا رئيس الاتحاد العربي، عاوزين يضروا الأهلي ويوقفوا فلوس الأهلي ويضروا بناس في الإدارة أنا مش هسمح بده، حصل منهم غلط، مش مُنتظر أي اعتذار منهم، وكأن مافيش حاجة حصلت، جمهور الأهلي لازم يعرف إني عملت ده عشانهم وعشان بحب الأهلي وأنا مسامحهم.

شوبير: نعود للبناء من جديد وفي عتاب وبسبب أن مرتضى أعلن المدرب برعاية حضرتك وأن فيه لاعب برضو تحت رعايتك.. عاوزين صفقات للأهلي وأنت أكبر من كلمة رئيس شرفي!

تركي: أنا بابي مفتوح وتليفوني مفتوح لأي حد في مصر، أنا رئيس الاتحاد العربي من الخليج إلى المحيط، في ناس بتقول بلده أولى أنا شغال جوه بلدى وبره بلدي، وبتكلم كوني رئيس الاتحاد العربي وواجبي أخدم الأهلي والزمالك وفي المغرب والسودان والسعودية والإمارات، كل الأندية على رأسي، أنا مبسوط، وعلشان كده انا بأكد أنه عفا الله عما سلف ونسيت الماضي، الرياضة المصرية مقبلة على خير ويؤكد ده قانون الرياضة وأتمنى من الوزير الجديد يمشي على نفس نهج خالد عبد العزيز اللي أنا أفتقده في الحقيقة، يمكن جمهور مصر يكون زعلان مني بسبب كأس العالم، عايز منهم يفتكروا إني وزير سعودي ومن مصلحتي إني أنكد على صلاح شوية وكان على سبيل الدعابة و غلبناكم، وأتمنى يكون منتخبكم فيه 100 صلاح.

شوبير: زي ما حضرتك دعمت الزمالك وبيراميدز.. عاوزك تقول أن حضرتك هتدعم الأهلي ومدينته الرياضية؟

تركي: هو إحنا أطفال؟ مافيش حاجة إنه لما يكون بينا خلاف يكون كله "بح" ، ده كلام رجاله وقعدت مع فخامة الرئيس السيسي وعرضت عليه المشاريع اللي عاوزين نعملها، هل من الطبيعي أتراجع عشان خلاف بسيط، لكن يجب أن يكون فيه أسس واضحة لكي لا تتكرر المشاكل.

شوبير: مشروع مدينة الأهلي الرياضية قائم؟

تركي: مدينة الأهلي جنب بيراميدز إن شاء الله

شوبير: وبيراميدز إن شاء الله بس الأهلي هو الأساس وبيراميدز 3 أيام ومروح لكن الأهلي قديم منذ الأزل وحضرتك جيت الأهلي عشان كده وعارف شعبيته

تركي: ما اللي بيشتغلوا في بيراميدز كلهم أهلاوية 

شوبير: بس الأهلي هو الأساس بيراميدز ده فرع والأندية دي فروع والأهلي ده الأساس

تركي: هو النيل آه 

شوبير: خلينا أقولك بقى محتاجين صفقات؟

تركي: حد خبط الباب وقولنا لأ يا أحمد؟ 

شوبير: إحنا عاوزين صفقات وطلبي كإبن من أبناء الأهلي

تركي: أنا بقولك حاضر 

شوبير:  ليا رجاء إن حضرتك "متتنرفزش" من الهجوم عليك في السوشيال ميديا 

تركي: فاهمين اللي بيدير اللجان دي والشغل على مصر والسعودية ولجان الإخوان وبلاش نقول أكتر من كده

شوبير: عاوزين أزارو يقعد؟ 

 تركي: المفروض يجلس.. لو طُلب مني ذلك مش هقصر، المهم اللي عاوز أقوله أنا رئيس الاتحاد العربي، وده واجبي وفيه مشاريع في تونس والمغرب والبحرين والأردن والسودان، مصر ستكون البداية.

شوبير: حجر الأساس للمدينة الرياضية للأهلي إمتى؟ 

تركي: لما يخصصوا الأرض شد حيلك بس أنت معانا