loading...

أخبار مصر

السيسي: السينما بها سلوكيات لا تليق.. «عايزين تغيروا والا لأ؟»

الرئيس عبد الفتاح السيسي

الرئيس عبد الفتاح السيسي



أكد الرئيس عبدالفتاح السيسي أهمية التعليم الحقيق في بناء الإنسان والوطن قائلا: "أنا هتكلم عن التعليم.. أنتم عايزين تعليم حقيقي ولا عايزين ولادكم يبقى معاهم شهادات، لو عايزين تعليم حقيقي دي رحلة طويلة وقاسية وفيها معاناة للأسرة والطالب والجامعة والمدرس.. أنتم عايزين تغيرو بلدكم؟ طيب مستعدين تدفعوا الثمن ودا سؤال بطرحه لكم وانا بتكلم على شق واحد للتعليم".

وأضاف السيسي، في مداخلة خلال جلسة "استراتيجية بناء الإنسان المصري" بمؤتمر الشباب الوطني السادس بجامعة القاهرة اليوم السبت، "لما نيجي نتكلم على الخطاب الديني، أنتم خايفين نضيع الدين، واللي احنا فيه دا.. هل هناك أكثر منه ضياع للدين؟.. أريد أن أقول عندما يكون فكر أمة مبني على الحرب، والحرب استثناء، ولما يكون الفكر اللي مبني كله لأمة ما هو الحرب فقط، يعني خلال الـ200 سنة الماضية على الأقل فهمهم لدينهم على إن الحرب هي الأصل والاستثناء هو السلام"، متسائلا: "معقول في فهم ديني كدا؟.. فانتم خايفين من إصلاح الخطاب ليضيع الدين.. طيب هو أنتم اللي فيه دا في أكثر من كدا". 

وتابع "الدكتور أشرف وزير الشباب كان بيتكلم عن التمييز المذهبي والإلحاد.. هو الإلحاد دا الناس اللي اتهزت نتيجة الحالة اللي احنا فيها.. شبابنا وشاباتنا قلقوا ومصدقوش إن ممكن يكون الخالق العظيم منزل أديان تهد الدنيا، معقول فانتم عايزين تعملوا إصلاح لخطاب ديني ولا خايفين لنضيع الدين".

واستطرد "لو عايزين تتكلموا عن قيم أخلاقية طيب انتو مستعدين تقبلوا في التليفزيون والسينما والمسرح سلوكيات لا تليق وفي الآخر نقول هذا إبداع وحرية إبداع.. في خيط رفيع، عايزين تصلحوها ولا مش عايزين، بتقولوا القوانين والتشريعات.. طيب أنتم شايفين قضايا مجتمعية موجودة عندنا يعني مثلا هم قالوا نسب الطلاق 44% يعني كل 100 حالة زواج يحدث بها تقريبا 50% طلاق.. بيقولوا هناك 9 ملايين طفل دون أب وأم بشكل مباشر.. طيب في كمان 15 مليون بشكل غير مباشر يعني انفصال بشكل خفي معملوش وثيقة انفصال هل تتصدوا كمجتمع.. عندما طالبت بضرورة إصدار تشريع لتوثيق الطلاق هوجمت".