loading...

رياضة مصرية

مرتضى ينفعل على الهواء بسبب ممدوح عباس: «فوقي يابلد» (فيديو)

مرتضى منصور

مرتضى منصور



انفعل مرتضى منصور، رئيس نادي الزمالك، في أثناء تعليقه على اتهامه بإهدار المال العام، والبلاغات التي قدمها ممدوح عباس رئيس النادي الأبيض السابق قائلًا: «أنا أضريت بأموال ممدوح عباس اللي أهدر مليار جنيه؟ يا نهار أسود إزاي، فوقوا بقى إحنا مش هنسكت شوفوا مين اللي عامل الترتيبات دي عشان مين، إحنا مش حرامية، أنا استملت الزمالك مديون بـ306 ملايين جنيه، دلوقتي فيه فائض أكتر من 230 مليون، غير اللاعيبة اللي اشتريناهم والمدرب والنادي الاجتماعي والنهري والفرق المختلفة، أنا أضريت بأموال ممدوح عباس؟ إيه التهمة الجميلة الجديدة دي».

مرتضى أدلى بتصريحات نارية، خلال مداخلة هاتفية مساء الاثنين، لبرنامج «ملعب الزمالك» الذي يعرض على فضائية «الحدث اليوم»، قائلًا: «مش بنخاف وهنتكلم وهنذيع المكالمات على الهواء عشان مصر تعرف مين بيلفق اتهامات لمين، دي فضيحة يا جماعة، يا نهار أسود على القانون، لأ يا بلد فوقي، ممدوح عباس اللي أهدر مليار ماحدش جه جنبه، في إيه؟ الزمالك ليه جماهير بالملايين ومش هتتحمل اللي بيحصل ده، مش هنسكت واحبسونا كلنا، مجلس مرتضى منصور شريف وعنده فائض في الميزانية 230 مليون جنيه، جاي تتكلم معاه إزاي؟».

واستمر في حديثه: «إيه المرمطة اللي إحنا فيها دي، إحنا عايشين في رعب كلنا، من فضلك يا وزير العدل، عايزين مستشار تحقيق محايد، ولو لقى حد غلطان يقطع رقبته، لكن إحنا مش جايين نتبهدل عشان ممدوح عباس بيحرك الأمور بالريموت كنترول، لو كنت سيبت الفلوس في البنك وجه ممدوح عباس حجز عليها وخدها، كانوا هيقولوا سيبتهاله ليه؟».

ووجه رئيس القلعة البيضاء، سؤاله لنيابة الأموال العامة قائلًا: «هو حضرتك فين من بلاغنا اللي ضد ممدوح عباس اللي أهدر مليار جنيه؟ أنا بتكلم ع المكشوف قدام مصر كلها، فين البلاغ ده يافندم؟ وجاي تقولي أضريت بأموال ممدوح عباس».